موضوعي هذا يهم الشباب العاطلين كثييير

اولا السلام عليكم ورحمة الله وبركاته

الموضوع يهم بشكل عاام الشباب(( العاطل ))

خلونا نركز على هالموضوع شوي لانه موضوع خطير لشبابنا
كل واحد من هو صغير اكيد له حلم ووده يحققه مثلا اسئل اخوك الصغيرون وقله لما تكبر وش تبغا تصير ؟؟؟

طبعا واكيد ما راح يقولك ابغا اصير( عاطل) راح يقولك طيار او دكتور او شرطي وهكذا... صح
واكبر دليل انا وانا كنت (صغيرون وحليو)كنت ابغا اصير دكتور والى الان وانا احلم اصير دكتور بس ما كتبلي الله مع اني حاولت بكل الطرق الممكنه بس مالقيت اليد الي تمتدلي وتدعمني ...............

وانا ودي اعرف ايش كان حلمكم ؟ وايش الحل لهالمشكله لانه عندنا شباب ماشالله عقولهم كبيره بس ما قدرو يحققوا حلمهم السؤال هنا ليش وكيف نحلها وابغاكم تعطوني طرق اذ1 امكن لحل هذي المشكله الكبيره ابغا الكل يفتي برايه حتى لو كان صغير نبغى نقضي على هالظاهره الي سببت المشاكل لشبابنا

واخيرا اسئل الله العظيم ان يوفقنا جميعا فيما يحبه ويرضاه

دمتمـ بسلام يا شبابنا الغالي ..

معـ التحيـــهـ //

نبغى نقضي على هالظاهره الي سببت المشاكل لشبابنا

( معليش عزيزتي مستحيل نقضي عليها ...)

قبل كل شي وعليكم السلام .. انا عن رايي والدي ماكان يحب يسألني هالسؤال

لا هو ولا احد من افراد الاسره .. لان بطبيعة الحال والدي الله يحفظه عارف الوضع بيكون كذا

على حسب رايه انه انا بشتغل براس مالي انا وتجارتي ..

لاننا لو انتظرنا وظيفة الحكومه راح تطول المسأله ومتطلبات الحياة ماتنتظر ..

فـ اعجبني فكر والدي والتحقت فيه بالتجاره الخاصه ..

ولو بنناقش موضوع البطاله ماراح نحل شي لان قبلنا جهات مختصه ناقشت الموضوع

ويحلون الموضوع (( كلامياً) فقط ولا نشوف شي من الحلول المقترحه لفك البطاله

انا عن رأيي لو تشمل السعوده كل وظيفه ممكن تنحل الشغله

.............

ومشكوره اختي عالموضوع

سلام

صحيح كلام اخوي مغترب ... مستحيل نقضي عالبطاله بمجرد نقاش

بصراحه انا انسألت كثير هالسؤال وكان جوابي طيار طيار ... وكنت احب اقتني الطيارات

والقبات والكرافتات يعني عايش جوي مع اهلي ومهنة الطيار .... لكن لما كبرت وعرفت ان الحلم

غير الواقع وبدوا اللي حولي يوجوهوني .. بتقولون لي كيف بقولكم كثير يقولون لي ان هيئتي تساعد

بأن اتجه للمجال الاعلامي .. والبعض يقولون صوتي كمان فقررت اكتشف مهاراتي اللغويه ولقيت اني بديت

اتجه لهالمجال .. لوزارة الاعلام .. فوجدت القبول الفوري مع العلم ان تحصيلي الدراسي بكالوريوس ادارة اعمال

فلقيت القبول منهم بعد عدة مقابلات ... والحمدلله هذا انا اشق طريقي فحلمي الجديد...

والعيب مو فدور التوظيف ولا قلة الوظائف العيب فينا احنا الواحد يرسم حياته وهو منسدح فغرفته

ومانيل المطالب بالتمنى .. تجري الرياح بما لاتشتهي السفن ..

يعني الواحد لما يعرف هو وش يبغى بالضبط ويحسبها صح ويترك الاحلام والكبر بيلفى له وظيف تناسبه

او بالأحرى يتأقلم معاها ...

واعتذر عن الاطاله

مشكوره اختي

دام طرحك

'656

مغـُتــ فيـِ عذابــْ ــرب \

اولا يعطيك العافيه على مشاركتك للموضوعـ ..

وعلى قولتكـ الوظائف الحكوميهـ تطول احيانا ..

بس ما يساعد هذا الشي على انك تكون عاطل.. وزي ما تكرمت

ممكن ان نلتحق بمهنة ولي الامر لتأمين المستقبل .. ((وعدم اليأس))

XXXXX

§نبضـهـ دافــئــهـ§

((والعيب مو فدور التوظيف ولا قلة الوظائف العيب فينا احنا الواحد يرسم حياته وهو منسدح فغرفته))

احسنت اخوي بقولكـ ,,,

وبصراحه كلامك هذا يعكس عن شبابنا السعودين خاصه والخليجين عامهـ ..

وزي ماقلتوا اخواني الاعزاء..

لو نحكي من هنا لبكرى ماراح يغير شي,, بس ناخذ الاراء ونشوف ونناقش لعلنا نطلع فنتيجهـ ..